"Атлетико"га "Лион"дан ҳужумчи келяпти

“Лион” форварди Мусса Дембеле “Атлетико”га кўчиб ўтишга жуда яқин турибди.

Marca нашри тарқатган хабарга кўра, 24 ёшли франциялик футболчи “матрасчилар” сафига ижара асосида ўтади. Унинг Мадридда қолиш ёки қолмаслиги майдонда кўрсатадиган ўйинига боғлиқ.

Ҳозирча “Лион” ва “Атлетико” ўртасидаги келишув бўйича расмий маълумот йўқ. Аммо томонлар тез орада шартнома имзолашлари кутилмоқда.

Дембеле жорий мавсум Франция чемпионатида жами 16 та ўйинда иштирок этди ва 1 та гол урди.