"Атлетико"га турк футболчиси керак

"Милан" ярим ҳимоячиси Хакан Чалханоглу жамоасини ўзгартириши мумкин.

Calciomercato нашри тарқатган хабарга кўра, 26 ёшли туркиялик футболчига "Атлетико"дан жиддий қизиқиш пайдо бўлган. Унинг "россонерилар" билан амалдаги шартномаси мавсум сўнггида ўз ниҳоясига етади. Шу сабабли, у янги жамоага эркин агент сифатида йўл олиши мумкин.

Чалханоглу жорий мавсум “Милан” сафида 11 та ўйинда майдонга тушди ва 4 та гол ҳамда 1 та голли узатмага муаллифлик қилди. Унинг трансфер нархи 30 миллион еврога баҳоланмоқда.