"Атлетико"нинг муҳим футболчиси сафдан чиқди

Коке жароҳат туфайли бир ойдан кўпроқ вақтни ўтказиб юборади. 

"Атлетико" матбуот хизмати жамоа сардорининг ўнг оёғи мушакларида жароҳат аниқланганини маълум қилди. У "Селта"га қарши ўйинни ноқулайлик билан якунлаган эди.

Футболчининг тикланиш муддати эълон қилинмаган. Бироқ, "Marca"нинг ёзишича, ярим ҳимоячи терма жамоалар ўйинларидаги танаффус тугагунига қадар майдонга тушмаслигини ёзмоқда. Шу тариқа, ярим ҳимоячи апрелда майдонга қайтиши мумкин.

Маълумот учун, Ла Лиганинг жорий мавсумида 33 ёшли футболчи 23 та ўйинда майдонга тушиб, 1 та гол ва 1 та голли узатмага муаллифлик қилди.