“Атлетико”нинг ёзги трансферлардаги асосий “нишони” аниқ

Мадриднинг “Атлетико” клуби яқинлашиб келаётган ёзги трансферлар даврида кимни сотиб олишга уринишини маълум қилди.

Sport Bild нашри тарқатган хабарга кўра “матрасчилар” мавсумлар оралиғида “Шальке” ярим ҳимоячиси Макс Майерни ўз сафларига қўшиб олишмоқчи. Айтиш лозимки, 22 ёшли немис футболчиси Мадрид клубига текинга тушиши мумкин. Боиси унинг гельзенкирхенликлар билан амалдаги шартномаси ёзда ўз ниҳоясига етади.

Маълумот учун, Майер жорий мавсум “Шальке” сафида жами 26та учрашувда иштирок этиб, ўз ҳисобига 1та гол ҳамда 1та голли узатма ёздириб қўйишга эришган.