Авжидасан Карим, авжида! "Реал"дан супер камбэк

Ла Лига 32-туридан ўрин олган "Севилья" - "Реал" Мадрид баҳсида меҳмонлар 3:2 ҳисобида ғалаба қозонди

Дастлаб, биринчи бўлимда андалусияликлар Ракитич ҳамда Ламеланинг голлари эвазига олдинга чиқиб олди. Иккинчи тайм аввалида захирадан майдонга тушган Родриго фарқни қисқартирди. 82-дақиқа ўтиб бораётган бир пайтда захирадан ўйинга қўшилган яна бир футболчи Начо мувозанатни тиклади. Беллашувнинг асосий вақтига қўшиб берилган дақиқаларда Бензема жамоасини олдинга олиб чиқди. 

Шундай қилиб, "Қироллик клуби" очколари сонини 75 тага етказиб олди. Айни дамда улар Испания чемпионати турнир жадвалида пешқадам бўлиб турибди. 60 очкоси бор Лопетеги шогирдлари 3-ўриндан жой олган.