“Аякс”да “янги Погба” пайдо бўлди. Унга “Барса” харидор

Истеъдодлар фабрикаси бўлган “Аякс”да  янги юлдуз порлай бошлади. 18 ёшли Райан Гравенберх ўз ўйинлари билан Европа грандлари эътиборини торта бошлади. Айни пайтда нидерландиялик ярим ҳимоячига “Барселона” ва “Ювентус” жиддий қизиқиш билдирмоқда.

Жорий мавсумда ГРавенберх миллий чемпионатда тўртта учрашувда иккита голли пас оширди. Шунингдек, Европа чемпионлар лигасида “Ливерпуль”га қарши ишончли ўйин намойиш этди.

“Аякс” бу футболчи билан 2023 йилнинг 30 июнига қадар шартномага эга. Райанни олмоқчи бўлган клублар амстердамликларга 11 миллион евро тўлаши керак бўлади.

Баланд бўйли Райан ўйинни услубини инобатга олган мухлису мутахассислар унга “янги Погба”, деб лақаб қўйишди.