“Ayaks”da “yangi Pogba” paydo bo‘ldi. Unga “Barsa” xaridor

Iste’dodlar fabrikasi bo‘lgan “Ayaks”da  yangi yulduz porlay boshladi. 18 yoshli Rayan Gravenberx o‘z o‘yinlari bilan Evropa grandlari e’tiborini torta boshladi. Ayni paytda niderlandiyalik yarim himoyachiga “Barselona” va “Yuventus” jiddiy qiziqish bildirmoqda.

Joriy mavsumda GRavenberx milliy chempionatda to‘rtta uchrashuvda ikkita golli pas oshirdi. Shuningdek, Evropa chempionlar ligasida “Liverpul”ga qarshi ishonchli o‘yin namoyish etdi.

“Ayaks” bu futbolchi bilan 2023 yilning 30 iyuniga qadar shartnomaga ega. Rayanni olmoqchi bo‘lgan klublar amsterdamliklarga 11 million evro to‘lashi kerak bo‘ladi.

Baland bo‘yli Rayan o‘yinni uslubini inobatga olgan muxlisu mutaxassislar unga “yangi Pogba”, deb laqab qo‘yishdi.