"Аякс"нинг яна бир футболчиси гранд клубга ўтиши мумкин

Амстердамнинг "Аякс" клуби хавбеки Донни ван де Бек яна бир Европа грандининг эътиборига тушди.

AS нашри тарқатган хабарга кўра 22 ёшли голландиялик футболчини "Реал" ўз сафида кўрмоқчи. Гап шундаки, агар мадридликлар "Манчестер Юнайтед" хавбеки Поль Погбани сотиб олишолмаса, айнан ван де Бек билан музокараларни бошлашади.

Эслатиб ўтамиз, бундан аввалроқ ван де Бекга "Милан" ва "Рома" каби А Серия грандлари ҳам қизиқиб қолишгани ҳақида хабарлар тарқалган эди.

Маълумот учун, ван де Бек жорий мавсум “Аякс” сафида жами 55та ўйинда майдонга тушди ва рақиблари дарвозасига 16та гол уришга эришди. Унинг клуб билан амалдаги шартномаси эса 2022 йилга қадар имзоланган.