"Айнтрахт" "Ньюкасл"нинг 80 миллион евролик таклифини рад этди

Франкфуртнинг "Айнтрахт" клуби ҳужумчи Юго Экитике бўйича "Ньюкасл"дан келган таклифни қабул қилмади.

"Sky Sport" журналисти Флориан Плеттенбергнинг хабарига кўра, инглизлар футболчи учун 80 миллион евро таклиф этган, аммо немислар бу миқдорни қониқарсиз деб топишган.

Трансфернинг рад этилишига асосий сабаб сифатида тўлов шартлари кўрсатилмоқда. Шунингдек, клубнинг спорт директори Маркус Креше Экитике учун янада юқори нархда келишувга эришиш ниятида. Айрим жамоалар бу футболчи учун кўпроқ тўлашга тайёр эканини билдиришган.

Эслатиб ўтамиз, 23 ёшли форвард ўтган мавсум Бундеслигада 33 ўйинда майдонга тушиб, 15 та гол ва 8 та голли узатма билан ажралди.