Аёллар футболи. Ўзбекистон миллий терма жамоаси Эронни мағлубиятга учратди
Бугун Ўзбекистон аёллар миллий терма жамоаси Эрон билан ўртоқлик ўйини ўтказди. Беллашувга Тошкентдаги "Бунёдкор" стадиони мезбонлик қилди.
Ўйинда вакилаларимиз ташаббусга эришди. Бу устунлик натижада ҳам акс этди.
Учрашувда терма жамоамиз 2:0 ҳисобида ғалаба қозонди. Дастлаб 15-дақиқада Людмила Карачик дарвозани ишғол қилди. Иккинчи тайм бошланганда эса Лианна Нарбекова орадаги фарқни иккитага оширди. Шу тариқа, Ўзбекистон аёллар терма жамоаси ўртоқлик баҳсида Эронни мағлубиятга учратди.
Ўртоқлик ўйини
Ўзбекистон - Эрон 2:0
Голлар: Людмила Карачик 15, Лианна Нарбекова 55
Комментарии