Азар бўлажак ўйинда "Реал"га ёрдам беролмаслиги мумкин

"Реал" Мадрид клуби вингери Эден Азар Ла Лиганинг 35-туридан ўрин олган "Алавес"га қарши ўйинда иштирок этиши ҳамон сўроқ остида турибди.

Бундан аввалроқ, бельгиялик футболчи тўпиғидан жароҳат олгани ҳақида хабар берилган эди. Аммо, Marca нашрининг ёзишича, Азар бугун умумий гуруҳда шуғулланган ва бўлажак ўйинга тайёргарлик кўрган. Унинг “Алавес”га қарши ўйинда майдонга тушиши эртага ҳал бўлади.

Маълумот учун, Азар жорий мавсум Ла Лигада 19 та ўйинда майдонга тушди ва 1 та гол ҳамда 7 та голли узатма ёздириб қўйишга эришди.