Азар: Европа лигасида ғолиб чиқиш учун бор кучим билан ҳаракат қиламан

Лондоннинг "Челси" клуби вингери Эден Азар кеча Европа лигаси ярим финал жавоб баҳсидан ўрин олган "Айнтрахт"га (1:1, 4:3 пен.) қарши ўйиндан сўнг ўз фикрларини билдириб ўтди.

“Биз биринчи бўлимда яхши ўйнадик ва кейин жорий мавсумда бўлгани каби иккинчи бўлимнинг 5-дақиқасидаёқ гол ўтказиб юбордик. Ўйин охирида имкониятлар 50/50 эди. Бу бизнинг энг яхши ўйинимиз эмас. Аммо ғалаба қозондик.

Келажагим? Ҳозир мен фақат “Челси” билан бирга соврин қўлга киритиш ҳақида ўйлаяпман. Агар бу менинг охирги ўйиним бўлса, ғалаба қозониш учун қўлимдан келгача бор кучим билан ҳаракат қиламан”, - дейди бельгиялик футболчи.

Эслатиб ўтамиз, “Челси” финалда ҳамшаҳари “Арсенал”га қарши ўйнайди. Баҳс 29 май куни Бокуда бўлиб ўтади.