Азар ишончни тўлиқ йўқотди

“Реал” раҳбарияти ва мураббийлар штаби 31 ёшли ҳужумкор футболчи Эден Азардан умуман қониқмаяпти, деб хабар берди Marca нашри.

Манбанинг таъкидлашича, клубдагилар бельгиялик ўйинчининг юлдузли онлари ортда қолган ва энди у ҳеч қачон юқор формага қайта олмайди, деган  хулосага келган.

“Реал” вакиллари Азарнинг жамоада қолиш истагини қадрлайди. Бироқ, ёзда уни сотиб юборишнинг имкони бўлмади. Бельгиялик юлдуз бўйича бирорта таклиф келиб тушмаган.

“Қироллик клуби” 2019 йили Азар учун “Челси”га 115 миллион евро тўлаган. Шундан бери ўйинчи ўзини кўрсата олмайди. Эден жуда кўп жароҳат оляпти ва испан футболига умуман мослаша олмади.

Натижада шу пайтга қадар атиги 68 та учрашувда қатнашиб, олтита гол урди ва ўнта ассист қайд этди холос.