Azar yana "Real"ning boshiga balo bo‘ldi

“Real” klubi endi belgiyalik yarim himoyachi Eden Azarning transferi uchun “Chelsi”ga qo‘shimcha 18 million evro to‘ladi, deb xabar bermoqda Football London.

Manbaning xabariga ko‘ra, bunga Azar “qirollik klubi” bilan Chempionlar ligasida g‘olib chiqsa, ushbu bonusni to‘lashi kerakligi haqidagi shartnomadagi band sabab bo‘lgan.

Ma’lumot uchun, 31 yoshli Azar “Real” safiga 2019 yilda “Chelsi”dan 115 million evro evaziga ko‘chib o‘tgan edi. U joriy mavsum jami 23 ta o‘yinda maydonga tushib, 1 ta gol urdi va 2 ta golli uzatmani amalga oshirdi.