Азар: Зиданнинг "Реал"га қайтганидан хурсандман

"Челси" клуби вингери Эден Азар франциялик мутахассис Зинедин Зиданнинг яна “Реал”га қайтганидан хурсандлигини айтди.

“Мен “Реал” футболчиси эмасман, лекин Зиданнинг мухлиси сифатида унинг қайтганидан хурсандман. Бу “Реал” ва унинг мухлислари учун яхши. Аммо, қолган жамоалар бундан у қадар ҳам хурсанд бўлмаслиги аниқ. Чунки, “Реал” Зидан қўл остида жуда кўп совринларни қўлга киритади. Шунинг учун уларга қийин бўлади”, - дейди бельгиялик футболчи.

Эслатиб ўтамиз, айни дамда Азарнинг ўзи ҳам ёзда “Реал”га кўчиб ўтиши ҳақида турли хабарлар тарқалган.