Азарни АПЛга қайтарадиган клуб топилди!

"Реал" ярим ҳимоячиси Эден Азар шу ёзда Англияга қайтиши мумкин, дея хабар бермоқда Defensa Central.

Юқоридаги манбага кўра, мавсум якунлангач, жамоасини ўзгартириши мумкин бўлган 31 ёшли футболчига "Ньюкасл" қизиқиш билдирмоқда. “Қарғалар” бельгиялик юлдуз билан эҳтимолий трансфер борасида музокараларни бошлаб юборган.

Маълумот учун, Азар жорий мавсум “Реал” сафида 22 та ўйинда майдонга тушиб, 1 та гол урди ва 2 та голли узатмани амалга оширди. Унинг "Қироллик клуби" билан амалдаги шартномаси 2024 йилгача мўлжалланган.