Azarni bunaqa pulga sotmaymiz!

Angliya premer-ligasida yuqori o‘rinlar uchun kurashayotgan “Vest Xem” mutasaddilari belgiyalik hujumkor futbolchi Eden Azarni so‘rab, “Real”ga murojaat qildi.

Ma’lumotlarga ko‘ra, londonliklar bu o‘yinchi uchun 25 million evro taklif qilgan. Biroq, “Qirollik klubi” prezidenti Florentino Peresni bu summa qoniqtirmadi.

Manbalarning xabar berishicha, madridliklar Azarni 50 million evrodan kamiga qo‘yib yubormoqchi emas. Uning amaldagi shartnomasi 2024 yilning yozigacha davom etadi.

“Real” belgiyalik futbolchini 2 019 yili 115 million evro evaziga transfer qilgan edi. Shuningdek, Azar Frantsiya chempionatida “Lill” sharafini ham himoya qilgan.