Азарнинг машинаси жамоадошларини ҳайратга солди

“Реал” ярим ҳимоячиси Эден Азар машғулотга янги қимматбаҳо уловда келгани жамоадошлари ва мухлислар эътиборини тортди.

Бельгиялик футболчи Мадрид клубида ишлари кўнгилдагидек кечмаётганига қарамай, ўзини ўзи хурсанд қилмоқда. У яқинда Lamborghini Aventador русумли машина харид қилди. Бу модель 575 минг доллар туради. Машинанинг максимал тезлиги соатига 350 километрга тенг ва у соатига 100 километр тезликка эга бўлиш учун атиги 2,8 сония вақт сарфлайди.

Азар жорий мавсумда “Реал” таркибида барча турнирларда атиги 19 та ўйин ўтказди холос.