Азизбек Абдуғофуров кубалик нокаутчига қарши жанг қилиши мумкин!

Ўзбекистонлик профессионал боксчи Азизбек Абдуғофуров (14-1,5 КО) навбатдаги жангини 24 сентябрь куни Польшада ўтказиши мумкин. 

Рақиб ҳам маълум бўлиб улгурган. Катта эҳтимол билан юртдошимиз кубалик мағлубият билмай келаётган Ослейс Иглесиас Эстрадага (6-0,5КО)қарши рингга кўтарилади. 

Маълумки, Абдуғофуров россиялик промоутер Владимир Хрюнов билан 4 та жангга шартнома имзолаганди. Айнан поляк заминидаги бокс оқшоми ҳам Хрюнов томонидан ташкил этилмоқда. 

Боксчимизнинг сайтимизга берган маълумотига кўра, ҳозирда музокаралар олиб борилмоқда. Агар, ушбу музокара ижобий якунланса, ҳамюртимиз кубалик нокаутчига қарши жанг қилади.

Эслатиб ўтамиз, Абдуғофуров сўнги жангида россиялик WBA Gold камари сохиби Фёдор Чудиновни мағлуб этганди.