Азизбек Турғунбоевнинг трансфер нархи кўтарилди

Жаҳонга машҳур transfermarkt портали Ўзбекистон Суперлигасида ўйнаётган футболчилар нархини янгилади.

Мазкур порталнинг Топ-10 лигидан “Навбаҳор”нинг 26 ёшли ярим ҳимоячиси Азизбек Турғунбоев ҳам ўрин олди. Бу ҳақда клуб матбуот хизмати хабар берди.

Турғунбоев якунланган мавсумда Суперлига – 2020 баҳсларида 25 ўйинда майдонга тушиб, 2116 дақиқа ҳаракатланган ва 8 та гол урган ҳолда, битта голга ассистентлик қилди. Ўзбекистон кубогида эса футболчи 2 учрашувда майдонга тушиб, битта голга муаллифлик қилган.

Шунинг учун бўлса керак, transfermarkt портали томонидан Азизбек Турғунбоевнинг трансфер нархига 150 минг евро қўшилиб, transfermarkt талқинига кўра, унинг трансфер нархи айни пайтда 700 минг еврони ташкил этмоқда.