Bafetimbi Gomis AGMKga qarshi o‘tgan bellashuv haqida gapirdi

"Al-Hilol" hujumchisi Bafetimbi Gomis OFK rasmiy saytiga bo‘lg‘usi o‘yin oldidan intervyu berdi va unda AGMK bilan kechgan bahs haqida ham to‘xtalib o‘tdi:

"So‘nggi o‘yin biz uchun juda qiyin o‘tdi. Birinchi taymda raqibga qaraganda kuchliroq o‘yin namoyish etgandik, natija ham shunga yarasha bo‘lishini umid qilgandik. 

Oldimizda kutib turgan o‘yin ham bundan farq qilmaydi. Guruhdan chiqishni istasak, ko‘proq ochko jamg‘arishga majburmiz", - dedi frantsiyalik hujumchi. 

Saudiya Arabistoni grandi bugun "Shabab Al-Ahli" bilan bahs olib boradi. Uchrashuv Toshkent vaqti bilan 00:00 da start oladi.