Баҳодир Жалолов бугунги ғалабасидан сўнг нималар деди?

Хабар берганимиздек, бугун бокс бўйича эркаклар ўртасида +92 кг вазн тоифасида рингга кўтарилган ҳамюртимиз Баҳодир Жалолов чорак финалда австралиялик Теремоана Жуниорни мағлубиятга учратиб ярим финалга йўл олди.

Боксчимиз ушбу ғалабасидан сўнг ўз фикрларини билдириб ўтди.

- Рақибим билан аввал ҳам жанг қилганман, у жуда яхши боксчи, кучли боксчи. Агар у қуръада қарама-қарши тарафда бўлганида, у билан финалда учрашардик деб ўйлайман. Лекин ушбу жангда ғалаба қозондик, ҳаммаси Аллоҳдан. Бу ғалабам бутун Ўзбекистонни ғалабаси. Ҳали тўхтаб қолмайман, бу ерга фақат олтин медаль учун келганман.

Эслатиб ўтамиз, энг оғир вазн тоифасида иштирок этаётган юртдошимиз энди ярим финалда 7 август куни  германиялик Нелвие Тиафакка қарши финал йўлланмаси учун жанг қилади.