Баҳодир Жалолов суриялик рақибини мағлуб этди

+91 кг вазн тоифасида юртимиз шарафини ҳимоя қилаётган Баҳодир Жалолов финал йўлланмаси учун суриялик Муҳаммад Мулайесга қарши рингга кўтарилди ва очколар ҳисоби бўйича рақибидан устун келиб, олтин медаль учун курашни давом эттирадиган бўлди.

Эслатиб ўтамиз, бунга қадар Санжар Турсунов, Миразизбек Мирзаҳалилов, Нодиржон Мирзаҳмедов ва Бобоусмон Батуровлар финал йўлланмасини қўлга киритишган эди.

Олдинда эса бизни Ёдгорой Мирзаева ва Мафтуна Мелиевалар иштирокидаги жанглар кутмоқда.