Баҳодир Жалоловнинг жанги Ўзбекистонда ҳам эфирга узатилади (видео)

Профессионал бокснинг оғир вазн тоифасида фаолиятини давом эттираётган ҳамюртимиз Баҳодир Жалолов (10-0, 10 КО) ўзининг навбатдаги жангини Тошкент вақти билан 11 июнь тонгида Америка Қўшма Штатларининг Нью-Йорк шаҳрида ўтказади. 

Dibella Entertainment компанияси томонидан ташкил этиладиган бокс оқшомида Жалоловга бельгиялик Жек Муловайи (11-2-1, 7КО) рақиблик қилади. Ушбу оқшом "Uzreport TV" канали орқали трансляция қилинади ва Жалолов иштирокидаги баҳс марказий жанг бўлади.