Баҳром Ҳайдаров: 3 ойлик танаффусда сўнг ўйин темпига киришиб кетиш қийин бўлмоқда

Coca Cola Суперлига 4-туридан ўрин олган “Сурхон” ҳамда “Машъал” жамоалари ўртасидаги ўйиндан сўнг мезбонлар устози Баҳром Ҳайдаров учрашув ҳақидаги ўз фикрларини билдириб ўтди.

“Узоқ танаффусдан сўнг жамоаларга ўйин темпига киришиб кетиши қийин бўлмоқда. Иккита тўп ўтказиб юборганимиз жуда ҳам аламли бўлди, лекин йигитлар ўзларида куч топиб, 1 очкони қўлга киритдик. Бугунги учрашувни таҳлил қилиб, хулосалар чиқарамиз.

“Машъал” тартибли жамоа саналади ва афсуски, қарши ҳужумларда кўп гол ўтказиб юборяпмиз. Ушбу хатоларни таҳлил қилиб, уларни бартараф этамиз.

Футболчилар 3 ой давомида индивидуал машғулотлар олиб боришди. Барибир, профессионал футболчи якка тартибда шуғуллангани билан жамоавий машғулот ўтказмаган. 12 кун жамоавий машғулотлар олиб бордик холос. Шу боис, футболчиларнинг спорт формасида эмаслиги табиий ҳол”, - деди Ҳайдаров.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар