Балотелли фаолиятида 13-бор майдондан четлатилди

"Брешия" ҳужумчиси Марио Балотелли Италия А Сериясининг 20-туридан ўрин олган "Кальяри" (2:2) га қарши баҳсда майдондан четлатилди.

29 ёшли футболчи учрашувнинг 81-дақиқасида рақибга ишлатган қўполлиги учун сариқ карточка билан огоҳлантирилди ва шундан сўнг, ҳакамга эътироз билдириб, иккинчи игиҳлатиришни олиб, майдондан четлатилди.

Бу Балотеллининг фаолиятидаги 13-қизил карточка бўлди.

Форвард топ-5 лигаларда кетма-кет 4 мавсумдан буён қизил карточка билан жазоланган икки футболчидан бири бўлди. "Монако" футболчиси Жемерсон ҳам ушбу кўрсаткични қайд этиб келмоқда.