Балотелли яна А Серияга қайтиши мумкин

Туркиянинг “Адана Демирспор” клуби ҳужумчиси Марио Балотелли яна Италия чемпионатига қайтиш истаги борлигини яширмади.

Италиялик футболчининг сўзларига кўра, унда ҳатто А Сериядан ҳам таклиф бор.

"Мен қайтиб келиб, Италияда ўйнашни жуда хоҳлардим. “Монца”? Улар билан бугун кечқурун гаплашдик, бу борада ўйлаб кўрамиз", - дея футболчининг сўзларидан иқтибос келтирди журналист Николо Шира ижтимоий тармоқдаги саҳифасида.

31 ёшли Балотелли 2021/2022 йилги мавсумда Туркия чемпионатининг 31 та учрашувида қатнашиб, 18 та гол урди ва 4 та голли узатмани амалга оширди.