Барибир олишади! "Челси" керакмас ҳужумчига катта нарх белгилади

«Челси» клуби ҳужумчиси Лиам Делап ёзги трансфер ойнасида жамоасини ўзгартириши мумкин. The i Paper нашри хабарига кўра, ёш форвардга учта жиддий даъвогар пайдо бўлган: «Ноттингем Форест», «Эвертон» ва «Лидс». 

Манбаларнинг таъкидлашича, яқин вақтларда англиялик футболчи учун курашга бошқа клублар ҳам қўшилиши кутилмоқда.

Маълумотларга қараганда, «Ноттингем Форест» ҳужум чизиғини кучайтириш мақсадида Крис Вудга рақобат қила оладиган янги футболчи изламоқда. 

Шунингдек, 23 ёшли Делапни «ўрмончилар»нинг янги бош мураббийи Оливер Гласнер ҳам ўз таркибида кўришни истамоқда.

«Эвертон» бош мураббийи Дэвид Мойес ҳам Делап ўйинини юқори баҳолайди. «Лидс» эса ҳужум чизиғидаги рақобатни ошириш ниятида. 

Хабарларга кўра, «Челси» ҳужумчини сотишга тайёр ва унинг трансфер нархини тахминан 41–47 миллион евро атрофида белгилаган.