Баркола ПСЖ билан шартномани узайтиришдан бош тортди

ПСЖнинг ёши ҳужумчиси Брэдли Баркола клуб таклиф этган янги шартномани имзолашдан бош тортди. Франция терма жамоаси аъзоси бўлган футболчи жорий ёзда жамоани тарк этиш имкониятини кўриб чиқмоқда. Журналист Фабрицио Романо маълумотича, 23 ёшли вингер учун асосий даъвогар сифатида «Ливерпуль» кўрсатилмоқда. У бу ҳақда ижтимоий тармоқ X даги саҳифасида хабар берган.

Баркола 2023 йил ёзидан бери ПСЖ шарафини ҳимоя қилиб келмоқда. Ўтган мавсумда у барча мусобақаларда жами 49 ўйинда майдонга тушиб, 13 та гол урди ва 7 та голли узатма амалга оширди. Ҳозирги амалдаги шартномасига кўра, футболчи клуб билан 2028 йил ёзигача боғланган.

Transfermarkt портали маълумотларига кўра, Барколанинг бозор қиймати 90 миллион еврони ташкил этади.