"Пахтакор", "Насаф" ва "Навбаҳор" барқарорлик рейтингидан энг яхшилар бўлиб турибди

"Суперлига регламенти"нинг 3.4-банди асосида Лига барқарорлик рейтингини шакллантириб бормоқда. 2027 йилги мавсумдан эътиборан мазкур кўрсаткичлар бир қатор мезонларга таъсир кўрсатиши кўзда тутилган. 

Аввалроқ 2025 йилги мавсум бўйича рейтинг эълон қилинган бўлиб, унда "Пахтакор", "Насаф" ва "Динамо" клублари дастлабки учталикдан жой олганди. "Нефтчи" гарчи Суперлигани чемпион сифатида якунлаган бўлса-да, клубнинг У19 ва У21 чемпионатлари, шунингдек, мамлакат кубогидаги натижалари кучли учталик учун камлик қилганди. 

Сўнгги 5 йиллик натижаларига кўра ҳам мамлакатнинг икки энг яхши клублари "Пахтакор" ва "Насаф" бўлиб турибди. Тошкент клуби тақибчисидан 18 очко илгарилаб кетган. Кучли учликни эса "Навбаҳор" якунлаган. ОКМК, "Бунёдкор" кейинги ўринлардан жой олган. 

Маълумот учун, сўнгги беш йиллик натижалари 2026 йилги мавсум сўнгида яна ҳисоб-китоб қилинади. Бунда 2021 йилги мавсум натижалари айириб ташланади ва ҳисоблаш 2022 йилги мавсумдан бошланади.