“Барса” афсонаси фирибгарлик қилдими?

“Барселона” ва Испания терма жамоасининг афсонавий футболчиларидан бири Андрес Иньеста жиддий муаммога дуч келди.

Перу прокуратураси уни оғирлаштирувчи ҳолатлардаги фирибгарликда гумонламоқда, деб хабар бермоқда El Espanol нашри.

Прокуратура испаниялик футболчини молиявий фирибгарликда иштирок этиб, бир нечта маҳаллий тадбиркорларга 518 минг евродан ортиқ зарар етказилганликда  айблаяпти.

Зиён кўрган тадбиркорлар Иньеста раҳбарлардан бири бўлган Never Say Never Barcelona компаниясини Жанубий Америкада турли спорт ва маданий тадбирларни ташкил этиш бўйича шартнома мажбуриятларини бажармагани учун жавобгарликка тортишга уриняпти.

Андрес Иньеста Испания терма жамоаси таркибида икки карра Европа чемпиони ва жаҳон чемпионати ғолиби ҳисобланади.