“Барса” арзон футболчини қимматга олади

“Барселона” ёзги трансферлар вақтида ПСЖ нишонида турган “Монако” ҳимоячиси Кайо Энрикени Каталонияга олиб келишга қарор қилди.

Маълумотларга қараганда, каталонияликлар 23 ёшли бразилиялик футболчи трансфери бўйича французларга расмий таклиф юборган.

“Монако” ушбу футболчини бир йил муқаддам “Атлетико”дан 8 миллион еврога харид қилганди. Энди Рональд Куман жамоаси бу ҳимоячини Каталонияга келиши учун 30 миллион евро тўлашига тўғри келмоқда.

Кайо Энрике жорий мавсумда Франция чемпионатида 28 та учрашув ўтказиб, жамоадошларини тўрт марта гол уришига кўмаклашди.