Ўзбек легионерининг жамоаси “ишкал” трансферни амалга оширмоқчи

Ўзбекистоннинг энг иқтидорли ўйинчиларидан ҳисобланган Муҳаммадали Ўринбоев “Пахтакор”дан “Антверпен”га кўчиб ўтганидан хабарингиз бор.

20 ёшли Муҳаммадали Бельгия чемпионатида иштирок этадиган биринчи ўзбек футболчиси сифатида ўз номини футбол тарихига ёздириб қўйди. Ҳужумкор ўйинчимиз илгари Англиянинг “Брентфорд” клуби ёшлар жамоасида тажриба ошириб қайтгани унга янги чемпионатда ўзини кўрсатиши учун қўл келади, деб умид қиламиз.

“Антверпен” ёзги трансферлар ойнаси давомида Осиёдан яна бир ўйинчини олиб келмоқчи. Бу жамоа Саудия Арабистонининг “Ал-Иттиҳод” клуби қанот ҳужумчиси Марван Ас-Сахафийни бир мавсумга ижарага оладиган бўлди.

Бу трансфер Бельгия футбол жамоатчилигида кучли реакция келтириб чиқарди. Чунки Марван ўтган мавсумни Антверпеннинг яна бир жамоаси – “Берхост” сафида ўтказган эди. Бельгия футболида ҳам бир шаҳарнинг бир бирига рақиб икки жамоасида ўйнаш мухлисларнинг эътирозини келтириб чиқариши табиий ҳол.

Шунга қарамай, мамлакат футболида ҳам “Антверпен”, ҳам “Берхост” жамоалари шарафини ҳимоя қилган ўйинчилар ҳам топилади. Ана шундай собиқ футболчилардан Йорен Дом ва Патрик Гутс Саудия Арабистони терма жамоаси аъзоси Марван Ас-Сахафийнинг трансферига дарров ўз муносабатини билдирди.

- “Ас-Сахафий бу трансфери орқали нималар қилиб қўйганини ҳали ўзи англаб етгани йўқ. Бироқ бир шаҳарнинг икки клуби ҳозир бир лигада ўйнамаётгани унинг трансферига босимни бироз пасайтиради.

Қолаверса, Саудия Арабистонидан келган одамга босим маҳаллий футболчи, масалан Антверпенда ўсган мен каби ўйинчига нисбатан анча кам бўлади, - деди Йорен Дом.

Таъкидлаш жоизки, Йорен Дом 2017 йили “Антверпен”даги беш йиллик фаолиятидан кейин рақиб жамоа “Берхост”га ўтиб кетган эди.

Ҳар икки жамоада ўйнаган Патрик Гуис эса, Марван Ас-Сахафийга янги жамоа мослашиш жараёни Ўзбекистондан келган Муҳаммадали Ўринбоевга нисбатан осон кечишини таъкидлади.

- Ўзбекистонлик легионер Муҳаммадали Ўринбоевдан фарқли равишда Ас-Сахафий Бельгия лигаси ва шаҳар билан яхши таниш. Бу жуда катта устунлик беради.

“Антверпен” ҳужумкор ўйин услубини ҳали тўлиқ шакллантира олмаётган жараёнда Марваннинг ҳужумкорлигидан янада кўпроқ фойдаланса бўлади. Ўтган мавсумда Ас-Сахафий иккита учрашувда “Андерлехт” ва “Брюгге” каби гранд клублар дарвозасини ишғол қилгани унинг маҳоратидан далолат беради, - деди Патрик Гутс.

Эслатиб ўтамиз, “Пахтакор” тарбияланувчиси бўлган Муҳаммадали Ўринбоев 7 июль куни “Антверпен” клубига кўчиб ўтган эди. Бу трансфер учун бельгияликлар 500 минг евро тўлагани қайд этилган.

Ўринбоевнинг янги жамоаси билан тузган шартномаси 2029 йилнинг 30 июнига қадар давом этади. 

“Манчестер Сити” фанатларининг Ҳусановга муносабати қандай?

Ҳусановнинг ўйини экспертлар томонидан қандай баҳоланди?

Гвардиола Ҳусановнинг ўйинини қандай баҳолади?

Ҳусановчи? Гвадиола тез орада “Сити”дан кўпчилик кетишини айтди

Ҳусанов қанча оляпти? “Манчестер Сити” футболчилари маоши эълон қилинди

Гвардиола охирги тайёргарлик ўйинига Ҳусановни чақирди!

Ҳусановни “Манчестер Сити”га жойлаган мутахассис ишдан кетди!

Файзуллаев ЦСКАдан кетганининг асл сабаби ошкор бўлди

Эксперт: Бу футболчи Ҳусановнинг йўлини тўсяпти