“Барса”: Бу ўйинчига катта маош тўлаймиз!

 “Барселона” раҳбарияти “Милан” ярим ҳимоячиси Франк Кессьени катта маош билан ўзига оғдириб олмоқчи.

Жисмонан бақувват футболчи мавсум охирида эркин агентга айланади ва унинг харидорлари навбат кутиб турибди.

Агар 25 ёшли ярим ҳимоячи Каталония клубини танлайдиган бўлса, унга йилига 6,5 миллион евро маош тўланади.

Кессье 2017 йилдан бери миланликлар таркибида тўп тепиб келмоқда. У муҳитни ўзгартириш учун клуб билан келишувни янгиламади. У жорий мавсумда А серияда 20 маротаба майдонга тушиб, бешта гол уришга муваффақ бўлди.