“Барса” чемпионга 20 миллион евро тикди

“Барселона” трансфер бозоридаги ишларини якунлагани йўқ. Клуб ёзги трансферлар ойнаси якунлангунига қадар ҳимоя чизиғини мустаҳкамлаб олмоқчи.

Mundo Deportivo нашри каталонияликлар “Байер” таркибида Германия чемпиони бўлган Жонатан Тани ўз сафига қўшиб олишни режалаштирганини ёзмоқда.

Каталонияликлар трансферни амалга ошириш учун Бундеслига чемпионига 20 миллион евро таклиф қилди. Бироқ леверкузенликлар бу суммани қабул қилмади. “байер” ўз ҳимоячисини 30 миллион еврога бағоламоқда.

Аввалроқ, “Бавария” ҳам ўз 28 ёшли Тага оғиз солган эди. “Барселона” мутасаддилари леверкузенликлар асосий рақобатчиси кучайиб кетмаслиги учун Жонатан Тани Каталонияга қўйиб юборишига ишонмоқда.