"Барса" чемпионлик таклифига ҳам рози эмас

Испания Ла Лигаси коронавирус пандемияси кенг тарқалаётгани ортидан бекор қилинишига қараб кетмоқда.

Marca нашри хабарига кўра, "Барселона" уларга чемпионлик таклиф этиладиган бўлса ҳам, мавсумни барвақт якунлашга қарши бўлмоқда.

Агар барчаси мана шундай якунланадиган бўлса, клуб телевизион ҳуқуқлар ортидан келадиган даромадни бир қисмини қайтариб бериши ва чемпионлик учун футболчиларга тўланиши керак бўлган бонус пулларини ўзининг ҳисобидан тўлаши керак бўлади.

Якунда мавсумнинг қолган қисми бекор қилиниши ортидан келадиган чемпионлик "Барселона"га етарлича моддий муаммоларни келтириб чиқариши мумкин.