“Барса” етти футболчидан воз кечди

“Барселона” раҳбарияти ёзги трансферлар вақтида етти нафар футболчини сотиб юборади. Клуб раҳбарияти шу йўл билан маошларга кетаётган харажатларни пасайтиради ва бўлажак трансферларга маблағ тежаб қолади.

Хусусан, жамоани тарк этиши керак бўлган клуб тарбияланувчиси Карлес Аленьяга ҳозирдан “Вулверхэмптон” жиддий қизиқиш билдирмоқда. “Барса” 23 ёшли ярим ҳимоячини 8 миллион еврога қўйиб юборади.

Мартин Брэйтуэйтнинг ўзи “Барса”га фойда келтиришига ишонаётган бўлса-да, раҳбарият даниялик ҳужумчини Европа чемпионатидан сўнг, яхшироқ нархга сотиб юбормоқчи.

Хуниор Фирпога “Интер” ва “Милан” харидор. Футболчининг ўзи ҳам ўсишга эриши учун Италия ёки Англия чемпионатига ўтишни ўйламоқда.

“Камп Ноу”ни тарк этиши кутилаётганлар рўйхатида Миралем Пьянич, Филиппе Коутиньо, Самуэл Умтити ва Матеус Фернандес номлари ҳам бор.