“Барса” футболчилари “Реал”дан ўзиб кетишга ишонмоқда

“Барселона” ярим ҳимоячиси Педри жамоадошлари мавсум охирида амалдаги чемпион “Реал”дан ўзиб кетишни уддалашига ишонч билдирди.

- Биз “Реал”ни ортда қолдириб, Ла Лигада ғолиб чиқа оламиз. Ўтган мавсумда биз уларни оддий таркиб билан енгган эди. Бу гал таркибимиз анча кучайтирилган. “Реал”ни мағлуб этишимизга ишонаман, - деди Педри.

Ўтган мавсумда “Реал” Испания чемпионатида ғолиб чиққан ва каталонияликлардан 13 очкога илгарилаб кетган эди. Шунингдек, Карло Анчелотти шогирдлари Европа Чемпионлар лигасида ҳам бош соврин соҳиби бўлган.

“Реал” жорий чемпионатда ҳам 31 очко билан биринчи ўринда бормоқда. “Барселона” эса, фақат “Қироллик клуби”дан мағлубиятга учраган ҳолда пешқадамдан уч очко орта қоляпти.