“Барса” ҳужумчиси бадавлат клуб таклифини рад этди

“Барселона”дан кетиши кутилаётган Мемфис Депайга Англия премьер-лигасининг энг бадавлат клубларидан “Ньюкасл” оғиз солди.

Ушбу клубнинг саудиялик хўжайинлари таркибни юқори  мавсадлар учун курашадиган даражага келтирмоқчи ва бу борада пул аямасликка қарор қилган.

Нидерландиялик ҳужумчига яхши даромадли шартнома берилган бўлса-да, у “қарғалар” сафига ўтишга кўнмади. Шунга қарамай, Депай янги мавсум бошлангунга қадар ўзига бошқа клуб топиши талаб этилади.

“Барселона” бош мураббийи Хави ҳужум чизиғида Ферран Торрес ва Пьер Эмерик Обамеянгдан фойдаланишга қарор қилган.