“Барса” кутаётган ўйинчини тўртта гранд олиб қўймоқчи

“Барселона”  анчадан бери “Атлетик” ҳужумкор футболчиси Нико Уильямсни ўз сафига қўшиб олишга ҳаракат қилмоқда.

Германиядаги Европа чемпионатида порлаётган 21 ёшли футболчи олдида бошқа зўр вариантлар ҳам пайдо бўлди.

Marca нашрининг ёзишича, испаниялик истеъдод соҳибига ПСЖ, “Челси”, “Ливерпуль” ва “Бавария” ҳам иш беришга тайёр. Бу клубларнинг бари молиявий томондан каталонияликлардан устун ва ўйинчининг ўзига ҳам, клубга ҳам кўпроқ маблағ таклиф қила олади.

Ўтган мавсумда Нико Уильямс Ла Лигада 31 та учрашувда майдонга тушиб, бешта гол ва 11 та ассист қайд этди.