“Barsa” kutayotgan o‘yinchini to‘rtta grand olib qo‘ymoqchi

“Barselona”  anchadan beri “Atletik” hujumkor futbolchisi Niko Uilyamsni o‘z safiga qo‘shib olishga harakat qilmoqda.

Germaniyadagi Evropa chempionatida porlayotgan 21 yoshli futbolchi oldida boshqa zo‘r variantlar ham paydo bo‘ldi.

Marca nashrining yozishicha, ispaniyalik iste’dod sohibiga PSJ, “Chelsi”, “Liverpul” va “Bavariya” ham ish berishga tayyor. Bu klublarning bari moliyaviy tomondan kataloniyaliklardan ustun va o‘yinchining o‘ziga ham, klubga ham ko‘proq mablag‘ taklif qila oladi.

O‘tgan mavsumda Niko Uilyams La Ligada 31 ta uchrashuvda maydonga tushib, beshta gol va 11 ta assist qayd etdi.