“Барса” Левандовскига қанча маош тўлаши ошкор бўлди

“Бавария”дан Каталония суперклубига кўчиб ўтган Роберт Левандовскининг шартномасига оид айрим бандлар ошкор бўлди.

Унга кўра, 33 ёшли тўпурар бир мавсум учун солиқларни чиқариб ташлаб, ҳисоблаганда 9 миллион евро маош олади.

“Барселона” Польша терма жамоаси етакчиси билан 3+1 тизимида шартнома имзолайди. Каталонияликлар “Бавария”га 45 миллион евро миқдорида компенсация ва яна 5 миллион евро қўшимча бонус тўлаши келишилган.

Левандовскининг “Барселона”га ўтишида асосий хизматни бажарган агент Пини Захави шартноманинг ҳар бир йили учун 5 миллион евродан ҳақ олади. Яъни, каталонияликлар бу агентга жами 20 миллион евро тўлайди.