“Барса” Левандовскини “қурбон” қилади

“Барселона” ҳужумчиси Роберт Левандовски “Ал-Ҳилол”дан ҳимоячи Жоау Канселунинг каталонияликлар сафига ўтиши бўйича келишувнинг бир қисми бўлиши мумкин.

Бу ҳақда журналист Саша Тавольери X ижтимоий тармоғида маълум қилди.

Канселу трансфери бўйича музокаралар чоғида “Ал-Ҳилол” польшалик форвардни ҳам битимга қўшиш ғоясини илгари сурган. Унга кўра, 37 ёшли тўпурар мавсум охиригача Саудия Арабистони Про-лигасида тўп суради.

Левандовски “Барселона”ни охирги олти ойлик маошидан озод қилади, шу даврни эса “Ал-Ҳилол”да юқорироқ маош билан ўтказади.

Аввалроқ каталонияликлар Канселу трансфери бўйича Саудия клубига таклиф бергани ва футболчининг ўзи «Барселона»ни устувор вариант сифатида кўраётгани хабар қилинган эди.