“Барса” машҳур юлдуз билан келишувга эришди

“Ливерпуль”дан кетишга қарор қилган бразилиялик ҳужумчи Роберто Фирмино фаолиятини Испания чемпионатида давом эттирадиган бўлди.

Ёзда эркин агентга айланадиган 31 ёшли футболчи бир неча таклифлар орасидан “Барселона” вариантини танлади. Бу ҳақда MailSport нашри хабар тарқатди.

Фирмино ливерпулликлар сафида 2015 йилдан бери ўйнаб келмоқда. Бу ўйинчи жамоадошлари Муҳаммад Салоҳ ва Садио Мане билан бирга ҳужум учлигини ташкил қилиб, Юрген Клопп жамоасининг кўплаб муваффақиятларини таъминлаган.

Фирмино жами 352 та учрашувда майдонга тушиб, 107 та гол ва 78 та ассист қайд этди. “Ливерпуль” сафида 2019 йили Европа Чемпионлар лигаси ғолиби ва кейинги мавсумда Англия чемпиони бўлди. Жами еттита совринга эга чиқди.