“Барса” майдонни кўзда ёш билан тарк этган Ансу Фати аҳволи ҳақида маълумот берди

Испания кубоги нимчорак финалида “Атлетик” билан бўлган учрашувда “Барселона” ҳужумчиси Ансу Фати захирадан майдонга тушиб, ўйинни охиригача давом эттира олмади.

Яқинда оғир жароҳатдан қутилган ёш футболчи яна шикастланди ва майдонни кўзда ёш билан тарк этди.

- Ансу Фати чап сон мушагидан шикастланди. Энди чуқурлаштирилган тиббий кўрикдан ўтади. Шундан сўнг жароҳат даражаси аниқ бўлади, - деб баёнот берда “Барселона” клуби.

Хабарингиз бор, “Барселона”нинг келажаги сифатида қаралаётган Ансу Фату 2020 йилнинг ноябрида “Бетис”га қарши учрашувда тиззасидан оғир жароҳат олиб, қарийб бир йил даволанган эди.

Истеъдодли футболчи ёзда Европа чемпионатида ҳам иштирок эта олмаган ва ўтган йилнинг сентябрида сафга қайтган эди.