“Барса” Мессини олиш учун бошқа юлдузини қурбон қилади

“Барселона” раҳбарияти нидерландиялик плеймейкер Френки де Йонгни сотиб юборишни режалаштирмоқда.

Diario Sport нашрининг маълум қилишича, каталонияликларнинг асосий мақсади Лионель Мессини қайтариш ва “Манчестер Сити”дан Бернарду Силвани сотиб олишдан иборат.

Де Йонгнинг трансферидан келадиган маблағ ана шу режани амалга оширишга йўналтирилади.

Нидерландиялик футболчининг нархи пасайиб кетаётгани ҳам каталонияликларни ундан тезроқ қутилишга мажбур қиляпти. Ёзда “Манчестер Юнайтед” Френки учун 90 миллион еврога яқин пул таклиф қилганди. Бироқ, футболчи жамоасини алиштиришни истамади.

Айни пайтда Френки де Йонг жамоада аввалгидек асосий фигура эмас. Трансфер суммаси ҳам 60 миллион евро атрофида баҳоланмоқда.