"Барса" мухлислари учун аянчли хабар! Педри Испания суперкубогида қатнаша олмайди
"Барселона" ярим ҳимоячиси Педри жароҳати туфайли Испания суперкубогида жамоасига ёрдам бера олмайди. Унинг сафга қайтиш вақти январь ойи охирларига тўғри келиши кутилмоқда.
Испаниялик футболчи ўтган ҳафта машғулотлар пайтида мушакларини шикастлаб олганди. Дастлаб, у 2-3 ҳафта майдонга туша олмаслиги айтиб ўтилганди. Бироқ "El Mundo Deportivo" нашрининг хабар беришича, жароҳат кутилганидан жиддийроқ бўлиб чиққан.
Эслатиб ўтамиз, "Барселона" суперкубок ярим финалида "Осасуна"га қарши майдонга тушади. Баҳс 11 январь куни бўлиб ўтиши кўзда тутилган.
Фикрлар