“Барса” ўйнатмаган футболчи Бундеслигадан бошпана топди

“Барселона”нинг аввалги бош мураббийи Рональд Куман таклифига кўра, Каталонияга кўчиб ўтган америкалик ҳимоячи Сержино Дест келаси мавсумни ҳам бошқа жамоада ўтказади.

Ҳозирги бош мураббий Хави Эрнандес бундан кейин ҳам Дестга асосий таркибдан жой бермайдиган бўлди.

Todofichajes нашрининг маълум қилигича, 22 ёшли ҳимоячи ёзда Германиянинг “Унион Берлин” клубига йўл олади. Ижара муддати тугаганидан кейин Бундеслига клубида футболчининг трансфер ҳуқуқини 8-9 миллион еврога сотиб олиш имкони бўлади.

Сержино Дест жорий мавсумни ижара асосида “Милан”да ўтказмоқда. Лекин бу клубда ҳам ўзини кўрсата олгани йўқ. Саккиз марта майдонга тушган футболчи бирорта самарали ҳаракатни амалга оширмади.