“Барса” супертрансферни амалга оширади

“Барселона” раҳбарияти ёзги трансферлар вақтида қўлга киритиш режалаштирилган асосий нишонни белгилади.

Каталонияликлар мавсум якунланиши билан биринчи навбатда “Боруссия”дан Эрлинг Холандни олишни мўлжаллаяпти. Норвегиялик ҳужумчининг ўзи кўп жамоалардан таклиф бўлаётганига қарамай, Испания чемпионатида тўп тепишни истамоқда. Бундан ташқари, 21 ёшли тўпурар Килиан Мбаппе билан бир жамоада ўйнамасликка ҳаракат қилишини ҳам билдирган. У ўзи борадиган жамоада асосий юлдуз бўлмоқчи.

Демак, “Реал” Килиан Мбаппе трансферини деярли ҳал қилиб қўйганини инобатга олсак, Холанд “Барселона”ни танлаши ҳақиқатга яқинроқ.

Хави Эрнандес ёзда Эрлинг Холанддан ташқари”Милан”дан Франк Кессиэ, “Боруссия М”дан Денис Закария, “Челси”дан Сесар Аспиликуэта, “Валенсия”дан Хосе Луис Гайя ва “Бавария”дан Никлас Зюлени ўз жамоасида кўришни истаяпти.

Асосий нишон – Эрлинг Холанднинг трансферининг ўзига “Барселона” камида 150 миллион евро атрофида пул сарфлашига тўғри келади.