“Барса” Торрес ўрнига Англия чемпионини олиб келади

Журналист Хосе Альвареснинг маълум қилишича, “Барселона” раҳбарияти “Арсенал” ҳужумчиси Виктор Дьёкерешни Ферран Торреснинг ўрнига олиб келиш имкониятини кўриб чиқмоқда.

Испаниялик футболчи Ферран Торрес ПСЖга ўтганидан кейин швециялик ҳужумчи каталонияликлар учун устувор вариантга айланган.

“Арсенал” Дьёкерешни ўтган ёзда Лиссабоннинг “Спортинг” клубидан 70 миллион евро ва бонуслар эвазига сотиб олган эди.

“Барселона” 2024 йилдан бери Дьёкерешнинг вазиятини кузатиб келган ва уни Роберт Левандовскининг ўрнини босиши мумкин бўлган ҳужумчи сифатида баҳолаган.

Ферран Торресни 50 миллион еврога сотганидан кейин каталонияликларга бир мавсумда 30 тадан кўп гол ура оладиган самарали ҳужумчи керак.

Дьёкереш “Арсенал”даги илк мавсумида Премьер-лигада 36 та ўйинда 14 та гол урди ва жамоанинг чемпионликни қўлга киритишига ҳисса қўшди.