“Барса” Торрес трансферидан катта фойда олади ва пул тежайди

ПСЖ раҳбарияти испаниялик ҳужумчи Ферран Торреснинг трансфери учун “Барселона”га тахминан 50 миллион евро тўлайдиган бўлди.

Маълумотларга қараганда, шу суммадан 11 миллион евро амортизацияга сарфланади. Каталония клуби ҳужумчи сотувидан 35 миллион евродан сал кўпроқ соф фойда олади.

Бу ҳақда Mundo Deportivo хабар берди.

Манба маълумотига кўра, “Барселона” Торреснинг шартномаси узайтирилган тақдирда “Манчестер Сити”га тўлаши керак бўлган 8 миллион еврони  ҳам тежаб қолади.

Бундан ташқари, агар келишув 55 миллион евродан ошса, Англия клубига футболчининг кейинги сотувидан фоиз тўланиши керак эди. Таъкидланишича, ҳужумчининг яқиндаги кетиши каталонияликларнинг маош фондини юкламадан озод қилади, бу молиявий фэйр-плей қоидаларига риоя қилиш нуқтаи назаридан муҳимдир.