“Барса” узоқ кутган футболчи қайтди

“Барселона” ҳужумчиси Ансу Фати жароҳатидан фориғ бўлиб, яна жамоа сафига қайтди. Бу ҳақда клуб матбуот хизмати хабар берди.

Маълумотларга қараганда, ҳужумчи тиббий кўрикдан муваффақиятли ўтган ва илк бор жамоа машғулотларида қатнашди. Агар Ансу Фати спорт формасини тезроқ тиклаб олса, 24 апрель куни “Райо Вальекано”га қарши майдонга тушиши мумкин бўлади.

Аслида Ансу Фати ўтган мавсумни ҳам оғир жароҳат туфайли ўтказиб юборган эди. Тўққиз ойдан ортиқ вақт давомида даволанган футболчи майдонга қайтганига кўп бўлмай туриб, яна шикасланган эди.

19 ёшли Фати жорий мавсумда атиги ўнта учрашувда қатнашиб, ўз ҳисобига бешта гол ва битта ассис ёздириб қўйди.